Далай ламын сургаалаас...

Буцааж болдоггүй гурван зүйл:

• үг хэл
• алдагдсан боломж
• цаг хугацаа

Хүнд хэрэгтэй 3 зүйл:

• хүсэл мөрөөдөл
• амжилт
• аз

Тэднийг бий болгоход хэрэгтэй 3 зүйл:

• хөдөлмөр
• чин сэтгэл
• боломж

Casablanca

Casablanca
http://beemp3.com/download.php?file=1755969&song=Casablanca

I fell in love with you watching Casablanca
Back row of the drive in show in the flickering light
Popcorn and cokes beneath the stars became champagne and caviar
Making love on a long hot summers night
I thought you fell in love with me watching Casablance
Holding hands ‘neath the paddle fans in Rick’s Candle lit café
Hiding in the shadows from the spies
Moroccan moonlight in your eyes
Making magic at the movies in my old Chevrolet
Oh! A kiss is still kiss in Casablanca
But kiss is not a kiss without your sigh
Please come back to me in Casablanca
I love you more and more each day as time goes by
I guess there’re many broken hearts in Casablanca
You know I’ve never really been there.so, I don’t know
I guess our love story will never be seen on the big wide silver screen
But it hurt just as bad when I had to watch you go
Oh! A kiss is still kiss in Casablanca
But kiss is not a kiss without your sigh
Please come back to me in Casablanca
I love you more and more each day as time goes by

Тооцоолон бодох машин

Орондоо ороод унтах гэтэл нойр маань нэг л хүрдэггүй. Элдэвийн юм бодсноос болсон уу, эсвэл оройхон уусан кофеноос болсон уу, бүү мэд. Унтах гэж нилээд хөрвөөсний эцэст lap top-оо асаан, net-ээр тэнүүчлэж, ганц хоёр юм харахаар шийдсэн боловчиг, олигтой зүйлс ч олдсонгүй . Азаар блогтойгоо гэнэт санан, басхүү зарим нэг найзуудад маань миний бичсэн бичлэгүүд ихэд таалагдсан тухай сонсоод, урам орсон байсныг ч хэлэх үү, ямар нэгэн юм бичмээр санагдлаа. Юун тухай бичэхээ бодох зуур, үзэх дуртай tv show маань миний санаанд зурс хийн орж ирэх нь тэр. Мэдээж Sex and the city. Энэ киног үздэг бүсгүйчүүд маань намайг юу хэлэх гээд байгааг төвөггүйхэн таах байх. Тийм ээ. Тасархай,. Уг киноны гол дүр Carrie Bradshaw - Их хотын эмэгтэйчүүд, тэдний сексийн харилцаа, эр эмийн асуудлын талаар бичиж, түүгээрээ алдаршсан зохиолч эмэгтэй. Би бодлоо... Монголд энэ сэдвээр хэрэв хэн нэгэн бичвэл, Candace Bushnell-ын амжилтыг давтаж чадах байсан болов уу?

Хүн бүр өөрийнхөө нэгэн биений нөгөө талаа олох гэж, түүнийгээ хайн хорвоогоор хэрэн тэнүүчлэж, насыг бардаг гэл үү? Тэгвэл насан туршынхаа тэр хайрыг хаанаас хайх нь дээр байдаг юм бол?,. Ажил, сургуулийн алинаас нь вэ?, Эсвэл гадаа гудамжнаас хайсан нь дээр байдаг ч юм болов уу?,.

Зарим нэг нь номын сан, бас хорооллын дэлгүүрээр хайдаг гэж би сонссон юм байна. Магадгүй зарим нь бар, цэнгээний газраар ч хайдаг байх.

За тэгээд,. Хайж, хайж арай гэж нөгөө эрээд олдохгуй эрдэнэ, сураад олдохгүй сувдтайгаа тааралдлаа гэж бодоход, түүнийгээ мөн эсэхийг нь бид яаж таних ёстой вэ? Кинон дээрээс хараад байхад манай талын баатрууд чинь нууц үг ашиглан нэгнийгээ төвөггүйхэн олоод байдаг биз дээ?!. Үлгэрт ч бас тайлагдашгүй хаалгыг шидэт үгний л тусламжтайгаар онгойлгоод байдаг шиг санагдаж байна. Тэгвэл хайр сэтгэлийн нууц код нь юу юм бол?

Найз нөхдийн яриа энэ тэрээс ажаад байхад, хүнд гал халуун хайр дурлал нэг л удаа заяадаг юм шиг. Хэрвээ түүнийгээ алдаагүй бол, амьдралд янз бүрийн юм тохиолдлоо ч гэсэн хоёр хүн бие биенийгээ хайрлан насыг элээдэг бололтой. Харин салаад төөрчихсөн хүмүүсийн хувьд тэр чигтээ төөрөөд цаашаа явчихдаг юм шиг байгаа юм. Он жил улиран өнгөрөх тусам санаа нь явж, хүүхэд насандаа ямар ч хар бараан санаа, цаад наадахыг бодолгүйгээр нөгөө хүнээ хайрладаг байсан бол, хамгийн түрүүнд -за энэ хүнтэй дотно болохоор цаашид яах билээ?- гэж бодно. Үүнд буруу юм байхгүй мэт боловч, хайр чинь ингэж эхлэдэг гэж үү?

Гэтэл бас хар нялахаасаа бие биедээ дасан хайрлачихаад, магадгүй 10 жил өнгөрсний дараа зарим хосууд бие биенээсээ уйдан, өөр хэн нэгнээс шинэ хайрыг эрээд ч байх шиг.

Мэдэх юм алга даа.

Магадгүй тэр агуу хайр чинь зөвхөн үлгэрт л байдаг байх. Эсвэл уулын мод урттай богинотой гэдэг шиг, хайр сэтгэл ч бас урттай богинотой байдаг байх,. Бас хүн бүр энэ үгний утгыг өөр өөрөөр ч ойлгодог юм билүү, хэн мэдлээ. Ямартай ч энэ тухай тодорхой нээлт гаргаж чадаагүйн учир, миний бие бээр хоёр найзынхаа хошигнон ярьсан яриаг доор сийрүүлээд энэхүү бичлэгээ дуусгахаар шийдлээ. Таалан болгооно уу;)

Манай хотын, гайгүй боловсролтой, царайлаг залуу бүсгүйчүүдийн зөвхөн хоёрынх нь яриа шүү. Тэд залуустай дотно танилцахаасаа өмнө эхлээд анкет бөглүүлж байхаар шийдсэн гэнэ. Тэр анкет нь дараах асуултыг багтаасан байх юм.

• найз охин, эхнэртэй эсэх
• өмнө нь гэрлэж байсан эсэх
• хүүхэдтэй эсэх (эхэнд асууж байгааг нь анхаараарай!,.)
• нэр
• нас
• хаана ажилдаг
• аль сургуулийг төгссөн
• гадаадын хэдэн хэлээр ярьдаг
• гэрийн хаяг
• (тодорхой шалтгааны улмаас зарим нэг зүйлийг нь хассан болно :)

Гэх мэт асуултанд хариу аваад, түүнийгээ тооцоолон бодох машинд уншуулан, тохирох нэр дэвшигч мөн эсэхийг нь шалгах юм гэнэ лээ шүү.

Socrates

"My advice to you is get married: if you find a good wife you'll be happy; if not, you'll become a philosopher." Socrates.

Auschwitz - Birkenau Memorial and Museum

All over the world, Auschwitz has become a symbol of terror, genocide, and the Holocaust. It has established by the Nazis in 1940, in the suburbs of the city of Oswiecim which, like other parts of Poland, was occupied by the Germans during the Second World War. The name of the city of Oswiecim was changed to Auschwitz, which became the name of the camp as well.

Over the following years, the camp was expanded and consisted of three main parts: Auschwitz I, Auschwitz II- Birkenau, and Auschwitz III- Monowitz. It also had over 40 sub-camps. At first, Poles were inprisoned and died in the camp. Afterwards, Soviet prisoners of war, Gypsies, and prisoners of other nationalities were also incarcerated there. Beginning in 1942, the camp became the site of the greatest mass murder in the history of humanity, which was committed against the European Jews as part of Hitler's plan for the complete destruction of that people. The majority of the Jewish men, women and children deported to Auschwitz were sent to their deaths in the Berkenau gas chambers immediately after arrival. At the end of the war, in an effort to remove the traces of the crimes they had committed, the SS began dismantling and razing the gaz chambers, crematoria, and other buildings, as well as burning documents.

Prisoners capable of marching were evacuated into the depths of the Reich. Those who remained behind in the camp were liberated by Red Army soldiers on January 27, 1945. A July 2, 1947 act of the Polish parliament established the Auschwitz- Birkenau State Museum on the grounds of the two extant parts of the camp, Auschwitz I and Auschwitz II- Birkenau.

The site was added to the UNESCO World Heritage List in 1979.

Стресс түүнээс гарах аргууд

Стрессээс хамгаалах хамгийн чухал хэрэгсэл бол ухамсар. Ухамсраар стрессийг даван туулна.

Өглөө урьдынхаасаа 15 минутын өмнө босч сур
Бухимдахгүй байхыг хүссэн хүний хамгийн эхэнд мөрдөх зүйл бол өглөө урьдынхаасаа 15 минутын өмнө босч сурах. Ингэж хэвшвэл та бүх ажлаа амжуулж чадна.

Цагийн юмыг цагт нь хийж бай
Уулзалтын цаг, гадаад хэл сурах, дэлгүүр орох, номын санд очих зэрэг тухайн өдөр хийх ажлаа бичиж төлөвлөж бай. Ажлаа хойш тавьсандаа харамсах үе зөндөө гардаг болохоор цагийн юмыг цагт нь хийж байгаарай.

Кофе бага уу
Кофе их уувал зүрхний үйл ажиллагаа өөрчлөгдөн амархан бухимдахын нэг үндэс болдог

Бусдад үгүй гэж хэлж сур
Үгүй гэж хэлж чадахгүйгээсээ болж бусдын болоод өөрийн ажлыг унагах үе олон байдаг. Тийм болохоор танд үнэхээр цаг зав байхгүй бол үгүй гэж зоригтой хэлж бай

Өөрийгөө дутуу үнэлсэн бодлоо өөрчил
Та гадаад байдалдаа байнга анхаарч бай. Та сайхан харагдвал сэтгэл санаа чинь өөдрөг байх болно

Бусдыг уучилж сур
Хэн нэгний хийсэн алдааг бодон сэтгэл санаагаа хямрааж явахаар зүгээр л мартаж бай. Бид төгс биш орчлонд амьдарч байгаа гэдгийг ойлго.

Ирээдүйгээ сайхнаар төсөөлж,. Хүн бүр чадах бүхнээ хийж байгаа гэдэгт итгээрэй.

Стресс бууруулах аргуудаас. Thomas D. Yarnell, Ph.D. Clinical Psychologist

1. Хөгжилтэй бай
2. Завсарлага ав
3. Явган яв
4. Хоолны дэглэм барь
5. Эрчимтэй дасгал хийж бай
6. Одоо байгаасаа илүү унт
7. Инээ. Өөрийгөө нухацтай битгий байлга
8. Хоббитой бол
9. Сайхан зүйл бод
10. Яарахгүй нь тулд хангалттай эрт гэрээсээ гарч бай
11. Уудаг каффиний хэмжээгээ багасга
12. Өдөр бүр өөртөө чимээгүй байх цаг гарга
13. Тогтмол залбир
14. Өдөр бүр уулздаг хүмүүсийнхээ талаар сайнаар бод
15. Итгэлтэй андаасаа зөвлөгөө туслалцаа ав
16. Туслах грүп байгуул
17. Хатуурсан булчинг сулруул
18. Амьдралаа сонирхолтой болго. Шинэлэг зүйл хий
19. Ах дүү, найз нөхөдтэйгээ холбоотой бай
20. Магтаал өгч, бас хүлээн авч сур
21. Сандал дээр тухтай суугаад нүдээ анин 3 удаа гүнзгий амьсгаа аваад гаргахдаа биеэ сул тавин тайвшир. Ингэж түр амраад буцаад хийж байсан зүйлээ үргэлжлүүлэн хий.
22. Бусдыг хүндлэн харьц
23. Өөрийгөө хүндэл
24. Өдөр бүр хийх ёстой зүйл болоод хийхийг хүсэж байгаа зүйлсийн бодитой жагсаалтыг гарга. Хамгийн чухалаас нь эхлэн хий. Ингэснээрээ та жагсаалтаа бүрэн дуусгаагүй ч хамгийн чухал зүйлээ амжуулсан байх болно.
25. Сайнаар бод. Эерэг бодол таны стрессийг багасгана.
26. Өөрийн мэдрэмжинд хариуцлагатай ханд. Ууртай үедээ ямар нэг зүйл хийхээс түр азна.

Шилдэг ярилцагч бол

Cosmopolitan сэтгүүлээс орчүүлав.

“Юу гэж хэлэхээ мэдэхгүй байна” гэх мэтчилэн үг чиний толгойнд одооноос эхлээд орж ирэхээ болих болно. Эдгээр зөвлөмжийн тусламжтайгаар чи өөртөө итгэлгүй бяцхан охиноос гялалзсан од болж чадна.
Tanmayee Das, Olga Kos

Бид бүгдээрэй л ярианы урлагийн хатан хаан билээ. Бид хэзээ хаана юу хэлэхээ сайн мэднэ. Гэвч харамсалтай нь энэхүү мэдлэг маань яриа болоод өнгөрсний дараа буюу биднийг гэртээ амарч байхад толгойд орж ирэн, “тэгэхэд нь би тэгээд хэлчихдэг байж” гэж харамсахад хүргэдэг билээ. Гэртээ бид толиндоо харж байгаад өчигдөрийн баранд танилцсан царайлаг залуутай ухаалгаар ярилцаж, бас ууртай даргынхаа дайралтанд тайвнаар, мэргэжлийн үүднээс хариулж чаддаг. Харамсалтай нь цаг хугацааг эргүүлж болохгүй. Чи өөртөө “дараагийн удаа л юу гэж хэлэхээ сайн мэдэж байя” гэж амлана. Чиний зөв. Харин бид чамд энэхүү амлалтандаа хүрэхэд чинь туслая. Хүнд байдлаас гарахад маань бидэнд туслах найдвартай аргууд доор байна.

Ярилцагч чинь замын цагдаа бол
Яриаг хэрхэн эхлүүлэх вэ?
Зам хоосон, чи хаазаа тултал нь гишгээд давхиж явтал гэв гэнэт цагдаа гараад ирлээ. “Хэрвээ зөөлөн байгаад байвал надад торгуулийн хуудас бичиж өгнө” гэж бодоод, түүнтэй ана мана үзэлзэхээр чи шийднэ. Ихэнх жолооч нар ийм маягаар алдаа гаргадаг. Учир нь цагдаа нар өөрийг нь үл хүндэтгэсэн харилцаанд үнэн голоосоо дургүй байдаг.
“Чамайг ялалтанд хүргэх үгс” хэмээх номондоо Don Gabor –хамгийн сайн арга бол ямар ч маргаангүй бичиг баримтаа өгөөд, тайван байх явдал юм гэж нотлосон байдаг. “Таныг яагаад зогсоосныг та мэдэж байна уу?” гэж асуувал, “үгүй” гэж тайвнаар хариул. Гэхдээ нэг болзол бий. Чи үнэхээр тэр зүйлийг мэдээгүй байж болохоор тохиолдолд л тэгэж хэлээрэй. Жишээ нь: чи машинынхаа гэрлийг асаагаагүй явж байсан байж болно. Мэдээж юман дээр, жишээ нь шонгийн мод мөргөчихөөд мэдэхгүй гээд байж болохгүй. Дараа нь нилээд гайхсан байдалтайгаар “уучлаарай, би үнэхээр энд баруун иргэж болно гэж бодож байсан юм” гэж нэмэн хэлж болно. Эцэст нь “Энэ удаа та надад сануулга өгөөд өнгөрөөж болох уу?” гэж гуйхад л хангалттай. Хэтэрхий амархан мэт байна уу?. Гэхдээ л танд тус болно.
Алдаа: “Намайг торгож байхынхаа оронд хулгайч нараа барь”, “За яахав ээ, би чамд үзүүлээд өгнө өө”, “Надад цагдаад танил бий” гэх зэргийг хэлвэл та шууд л торгуулийн хуудас авах болно гэдгийг санаарай.

Ярилцагч чинь жаахан хүүхэд бол
Яриаг яаж эхлэх вэ
Хамгийн түрүүнд доош сууж түүнтэй ижил түвшинд оч. Түүний юу хийж байгааг хараад, дараа нь түүнийг чи аль эрт танидаг, та хоёр энд удаан ярилцаж байгаа юм шиг л түүнээс асуулт асуу. Жишээ нь, хэрвээ тэр тоглоомон галт тэргээр тоглож байгаа бол, “Галт тэрэг хаашаа явж байгаа юм бэ?” гэж асуугаарай.
Алдаа: “Чамайг хэн гэдэг вэ?” зэрэг стандарт асуултуудаас зайлсхий.

Ярилцагч чинь саяхан ойр дотныхоо хүнийг алдсан бол
Яриаг юунаас эхлэх вэ
-Хамгийн сайн найзын маань аав нас барахад би юу гэж хэлэхээ огт мэдэхгүй байсан. Тэгээд эцэст нь би юу ч хэлж чадалгүй өнгөрсөн. –гэж 29 настай Маяа ярьж байна. Эмгэнэл илэрхийлэх… тийм ээ, хэн нэгэнд эмгэнэл илэрхийлэх шиг хэцүү юм байдаггүй. Эцсийн эцэст ойр дотны хүнээ алдсан хүн л өнчин ишиг шиг хамгийн ихээр ганцаардаж байдаг. Учир нь хүн бүр л түүнтэй ярихаасаа имээнэ. “Яаж үүнийг хэлэх вэ?” хэмээх номондоо Susan RoAne “Би юу гэж хэлэхээ сайн мэдэхгүй байна, гэхдээ сэтгэл зүрхээрэй би чамтай хамт” гэж үнэнээ хэлэх нь огт юу ч хэлэхгүй байхаас дээр гэж бичсэн байна.
Өөр нэг үг бий. Гэхдээ чи үүнийг үнэн сэтгэлээсээ хэлэх ёстой. “Миний туслалцаа хэрэг болвол хэзээ ч хамаагүй надруу яриарай”. Өөр чи юу хийж чадах билээ. Зүгээр л түүнийг сонс.
Алдаа: “Миний аав яаж зовж байсныг, чи одоо ойлгож байгаа байх” эсвэл “Одоо чи ганцаараа яана” гэх зэрэг үгийг хэзээ ч бүү хэл.

Ярилцагч чинь чиний дарга, та хоёр цахилгаан шатанд тааралдсан бол.
Яриагаа юунаас эхлэх вэ
Гурван зарчим бий. Түүнтэй ярих яриа чинь товч бөгөөд өөдрөг өнгө аястай бас ажлын тухай байх ёстой. Хэрвээ чи байгууллагынхаа талаар сайн мэдээ хамгийн түрүүнд түүнд дуулгах гэж байгаа бол маш сайн хэрэг болжээ. Жишээ нь. Сэтгүүл дээр танай байгууллагын талаар таатай мэдээ гарсныг чи олж уншсан байсан бол тэр тухай хэлэх алтан боломж энэ юм. Дарга чинь чамайг үргэлж шинэ мэдээлэлтэй явдаг, амжилтаа гартаа атгасан хүн байна гэж дүгнэх болно. Хэрвээ чамд тийм гайхалтай мэдээлэл одоохондоо алга байгаа бол, байгууллага дотрох сайн сайхан юмны тухай ярь. Шинэ үйлчилэгчийн тухай ч юм уу, эсвэл байгууллагын эмбэлемийн талаарх шинэ санаа ч байж болно. Хамгийн гол нь чи үнэн сэтгэлээсээ хэлэх ёстой.
Алдаа: Хамт ажиллагсдын дунд гарсан таагүй байдлын талаар ярих, хэн нэгнийг матах, цалингаа нэмүүлэх хүсэлтэй байгаагаа хэлэх зэрэг нь буруу юм.

Ярилцагч чинь баранд ганцаараа суугаа халуухан залуу бол
Яриагаа хэрхэн эхлэх вэ
Чамд нэг нууц дэлгэе. Хэрвээ чи хөгжилтэй, хүмүүстэй нээлттэй харилцаатай, өөртөө итгэлтэй мөн хөнгөн сээтэгнэж чаддаг бол үнэндээ ямар ч ялгаа байхгүй. Чи яриагаа юунаас ч эхлэж болно. Бидэнд итгэ. Харин эрчүүдээс энэ тухай асуусны ч хэрэггүй. Учир нь ямар ч эр хүн тэдний сэтгэл юунд хөдөлдөгийг үнэнээсээ хэлэхгүй. Мөн бяцхан заль хэрэглэн түүний үйл хөдлөл, яриаг нь дагавал залуу чинийх боллоо л гэсэн үг.
Алдаа: Хэрвээ чи муухаа ааш гарган түүний эр хүний хамаг бахархал, нэр төрийг нь үл хайхарвал, бүх юм өөрөөр эргэх болно. Мөн хэзээ ч залруулга хийж болохгүйд хүрнэ гэдгийг сана.

Ярилцагч чинь чиний хуучин найз залуугийн шинэ найз охин бол
Яриаг хэрхэн эхлэх вэ
Хуучин найз залуугаа мисс хүүхний хажууд явж байхыг харах чамд тийм ч таатай байхгүй нь мэдээж хэрэг юм. Гэсэн хэдий ч экс-найз залуудаа чамаас салсанаа хамгийн том алдаа байж гэж ойлготол нь үг хэлнэ гэж өөртөө боломжгүй зүйлийг бүү амлаарай. Холын танилтайгаа тааралдаж байгаа мэт тайван байж инээмсэглээд, өөрийгөө түүний найз бүсгүйд товчхон танилцуул. Жишээ нь. “Сайн уу, намайг Туяа гэдэг”. Харин “Батын хуучин найз бүсгүй” гэж хэлсний хэрэггүй. Хуучныг дурсахгүй байхыг хичээ. Юу байна даа? Гэсэн асуултанд – “Шалгалтаа өгчихөөд явж байна” гэж хариулж болно. Тэдний нүүрлүү нь эгц хар. Хуучин найз залуу болон түүний бүсгүйрүү адилхан хугацаанд харцаа чиглүүлээрэй.
Алдаа: Шинэ найз бүсгүйд нь хэт наалдаж, эелдэг үг хэлэх эсвэл хуучныг сөхөх, ууртай ширүүн үг хэлэх ямар ч хэрэг байхгүй.

Ярилцагч чинь утсаар чамайг шинэ ажилд орсныг дуулгаж байгаа бол
Яриаг хэрхэн эхлэх вэ
Ажилд орох анкет бөглөөд удаагүй ч... Ураа! Тэд чамруу эргэн утасдаж байна. Гэхдээ яг чамайг халуун устай баннад орж байхад чинь утасддаг нь л жаахан харамсалтай. Чухал дуудлага ихэвчлэн тийм л үед орж ирдэг. Эхлээд удаан хүлээнэ, дараа нь тэр тухай бодоогүй амарч байхад утас дугарна. Тэр үед эргүүлж залгаж болох уу гэж асуух нь маш чухал. Учир нь хүн гайхсан, эсвэл баярласандаа хамаа замбараагүй үг хэлэх гээд байдаг талтай. Хэдэн минут өгөхийг ярилцагчаасаа хүс. Тэр хоорондоо цаас, харандаагаа хажуудаа аваад, нэг газар олж суу. Дараа нь өөртөө энэ ажлыг авч чадна гэж бод. Тэгээд эргүүлэн залга. Хэрвээ утсаар залгасан хүн заавал одоо ярина гэж зүтгээд байвал, “түр хүлээгээрэй” гэж хэл. Энэ хугацаанд гүнзгий амьсгаа авангаа өөрийгөө тайвшруулж, инээмсэглэ. Ингэсний ачаар та дуу хоолойгоо засаж чадна.
Алдаа: Утсаар ярьж байхдаа кофе уух, тамхи татах, бохь зажилах, хоол идэж огтхон ч болохгүй.

Ярилцагч чинь чиний уурлаж бухимдсан дарга бол
Яриаг хэрхэн эхлэх вэ
Дарга чинь чамд уурлаж байна уу? Эхлээд түүнийг сайн сонс. Түүнийг арай намжаад ирэхээр нь чи ярьж эхлэ. Хэрвээ үнэхээр чиний буруу байсан бол буруугаа хүлээ. Гэхдээ зөвхөн өөрийнхөө бурууг л хүлээ. Бүхэл бүтэн хэлтсийн ажилтнуудын бурууг өөр дээрээ битгий наа. Уучлалт хүс, хэрвээ ямар нэгэн хүндэтгэх шалтгаан байсан бол товч танилцуул. Хэрвээ шудрага бусаар чамайг буруутгаж байгаа бол тайвнаар болсон бодит байдлыг танилцуул. Тухайн асуудалд хамаг анхаарлаа төвлөрүүл. Битгий уурла. “Та намайг яаж ингэж буруутгаж чадаж байна” гэж хэлсний ч хэрэггүй.
Алдаа: “Би тайлан бичсэн байсан. Гэтэл алга болчихлоо. Компьтер л эвдэрсэн юм шиг байна” гэх зэргээр худлаа бүү ярь. Хэтэрхий урт тайлбар тавих, мөн удаанаар уучлалт хүсвэл дарга тань улам их уурсах болно.

Гурав дахин тийм
Энэ аргуудын ачаар хүмүүс чамтай ямар ч сэдвээр баяртай ярих болно.

Асуу
Бүгд л өөрийнхөө тухай ярих дуртай байдаг. “Үнэхээр сонирхолтой юм. Цааш нь ярьж өгөөч?”, “Яагаад тийм юм болчихов?” зэрэг асуултуудыг санаа зоволтгүй асуу. Эдгээр асуулт нь чамтай ярьж байгаа хүнд жигүүр ургуулах болно.

Анхааралтай сонс
Түүний ярьж байгаа юманд хамаг анхаарлаа төвлөрүүлж байгаагаа түүнд харуул. Ярилцагчруугаа хар, толгой дохи, “тийм үү?”, “аан...” гэх мэт үгийг хэрэглэ. Чиний ээлж болоход юу ярихаа энэ хооронд бүү бод.

Давт
Яриаг цааш нь үргэлжлүүлэхийн тулд ярилцагчынхаа сүүлд хэлсэн үгэнд анхаарлаа хандуул. Жишээ нь танил чинь “Долоон сард Грек явна” гэсэн бол чи “Чи Грек явах гэж байгаа юм уу?, ямар гоё юм бэ” гэж хэл. Та хоёрын яриа улам сайхан үргэлжлэх болно.